Science Important Questions- Part 7

வரி வரியாகப் படித்து எடுக்கப்பட்ட கேள்விகளைக் கொண்டு இலவசமாக நடத்தப்படும் தேர்வு

1. மனிதரில் ஏற்படும் வயது முதிர்வு காரணமாக சிலியரி தசைகள் வலுவிழப்பதனால் விழி லென்ஸ் நெகிழ்வுத் தன்மையை இழக்கிறது இதனால் கண்ணில் ஏற்படும் குறைபாட்டின் பெயர் என்ன? விழி ஏற்பமைவு திறன் குறைபாடு PRESBYOPIA
2.  வயது முதிர்வு தூரப்பார்வை என்றால் என்ன?விழியின்
   ஏற்பமைவு திறனில் குறைபாடு உடைய சில வயது முதிர்ந்த பெரியவர்கள் அருகில் உள்ள பொருளை தெளிவாக காண முடியாது.  இது வயது முதிர்வு தூரப்பார்வை என்றழைக்கப்படுகிறது
3.  கிட்டப்பார்வை தூரப்பார்வை இரண்டையும் குணப்படுத்தும் லென்ஸ் எது? இரு குவிய லென்ஸ்
4.  இரு குவிய லென்ஸின் அமைப்பு எவ்வாறு இருக்கும்? இந்த லென்ஸின் மேல்புறம் குழி லென்ஸ் (கிட்ட பார்வையை சரி செய்து நீண்ட தொலைவில் உள்ள பொருள்களை காண) கீழ்ப்புறம் குவிலென்ஸ் (தூரப்பார்வை சரி செய்து படிப்பதற்கு ஏற்ப) கொண்டு அமைக்கப்பட்டிருக்கும்.
5. இணையான மற்றும் கிடைமட்ட கோடுகளை தெளிவாக காண இயலாத கண்ணின் குறைபாட்டின் பெயர் என்ன? பார்வை சிதறல் குறைபாடு ASTIGMATISM
6.  பார்வை சிதறல் குறைபாடு எதனால் ஏற்படுகிறது? மரபு
   ரீதியாகவோ அல்லது கண்ணில் ஏற்படும் பாதிப்புகளான கண்புரை, கார்னியாவில் உருவாகும் புண்கள், விழியின் மேற்பரப்பில் உண்டாகும் காயங்கள் போன்றவற்றால் தோன்றும்
7. பார்வை சிதறல் குறைபாட்டை சரிசெய்யும் லென்ஸ் எது? உருளை லென்சுகள்(CYLINDRICAL LENS) மூலம் குறைபாட்டை சரி செய்யலாம்.
8.  நுண்ணோக்கிகளின் இரு வகைகள் என்ன? எளிய நுண்ணோக்கி மற்றும் கூட்டு நுண்ணோக்கி
9. எளிய நுண்ணோக்கியில் எந்த லென்ஸ் பயன்படுத்தப்படுகிறது? குவி லென்ஸ்
10.  எளிய நுண்ணோக்கியில் பெரிய பிம்பம் கிடைக்க பொருள் எங்கு வைக்கப்பட வேண்டும்?குவிலென்சின் முக்கிய குவியதிற்க்கும் ஒளியியல் மையத்திற்கும் இடையே பொருள் வைக்கப்படும்போது பெரிய பிம்பம் கிடைக்கிறது.






11.  எளிய நுண்ணோக்கியில் பொருளானது குவிலென்சின் முக்கிய குவியதிற்க்கும் ஒளியியல் மையத்துக்கும் இடையே வைக்கப்படும் பொழுது பிம்பம் எங்கு கிடைக்கும்? நேரான பெரிதாக்கப்பட்ட மாயபிம்பம் பொருள் இருக்கும் அதே பக்கத்தில் தோற்றுவிக்கப்படுகிறது.
12.  எளிய நுண்ணோக்கியில் பிம்பத்தின் தொலைவானது எதற்கு சமமாக இருக்கும்? பிம்பத்தின் தொலைவானது தெளிவுறு காட்சி‍யின் மீச்சிறு தொலைவுக்கு சமமாக இருக்‍கு‍‌‌ம்‌.
13.  எளிய நுண்ணோக்கியின் பயன்பாடுகள் என்ன?
    1. கடிகாரம் பழுது
    பார்ப்பவர்கள் ஆபரணம் செய்பவர்கள் ஆகியோர்களுக்கு
    பயன்படுகிறது.
    2. சிறிய எழுத்துக்களை படிக்க உதவுகிறது
    3.பூக்கள் மற்றும் பூச்சிகளின் பாகங்களை உற்றுநோக்க பயன்படுகிறது
    4. தடய அறிவியல் துறையில் கைரேகைகளை பகுத்தறிய பயன்படுகிறது.
14.  கூட்டு நுண்ணோக்கி எளிய நுண்ணோக்கி இவற்றில் எதன் உருபெருக்கு திறன் அதிகம்? கூட்டு நுண்ணோக்கி
15.  எதனை குறைப்பதன் மூலம் நுண்ணோக்கியின் உருப்பெருக்க திறனை அதிகரிக்கலாம்? குவிலென்சின் குவிய தொலைவினை குறைப்பதன் மூலம் நுண்ணோக்கியின் உருப்பெருக்க திறனை அதிகரிக்கலாம்.
16.  கூட்டு நுண்ணோக்கியில் எத்தனை லென்சுகள் பயன்படுத்தப்படுகின்றன? இரண்டு குவிலென்சுகள்
17.  கூட்டு நுண்ணோக்கியில் உள்ள இரண்டு லென்ஸ்கள் எவ்வாறு அழைக்கப்படுகின்றன? பொருளருகு லென்ஸ், கண்ணருகு லென்ஸ்
18.  கூட்டு நுண்ணோக்கியிலுள்ள இரு லென்ஸ்களில் எதன் குவிய தூரம் அதிகம் எதன் குவிய தூரம் குறைவு? பொருளருகு லென்ஸ் குறைந்த குவிய தூரம் கொண்டது, கண்ணருகு லென்ஸ் அதிக குவிய தூரம் கொண்டது.
19.  கூட்டு நுண்ணோக்கியில் இரு லென்ஸ்களும் எங்கு
    பொருத்தப்பட்டுள்ளன? இரு லென்ஸ்களும் முன்னும் பின்னும் நகரக் கூடிய வகையில் அமைக்கப்பட்ட குறுகலான குழாயினுள் பொருத்தப்பட்டுள்ளன.
20.  கூட்டு நுண்ணோக்கியின் உருப்பெருக்க திறன் எளிய
    நுண்ணோக்கியின் உருப்பெருக்க திறனைக் காட்டிலும் எவ்வளவு அதிகம்? 50 முதல் 200 மடங்கு வரை அதிகமாக இருக்கும்
21.  நகரும் நுண்ணோக்கி எந்த அளவிற்கு மிகச்சிறிய
    தொலைவுகளை அளக்க கூடியது? 0.01 மில்லிமீட்டர் என்ற அளவிலான மிகச் சிறிய தொலைவுகளையும் நகரும் நுண்ணோக்கி அளக்கும்.
22.  நகரும் நுண்ணோக்கி எந்த கருவியின் தத்துவத்தின்
    அடிப்படையில் செயல்படுகிறது? வெர்னியர் தத்துவத்தின் அடிப்படையில்
23.  நகரும் நுண்ணோக்கியின் மீச்சிற்றளவு என்ன? 0.01 மில்லிமீட்டர்
24.  வெகு தொலைவில் உள்ள பொருள்களைக் காண உதவுவது எது? தொலைநோக்கிகள்
25.  முதல் தொலைநோக்கியை உருவாக்கியவர் யார்? 1608 ஆம் ஆண்டு ஜோகன் லிப்ரஷே என்பவரால் முதல் தொலைநோக்கி உருவாக்கப்பட்டது.